13 həyat

Taylandda məşqdən sonra mağaraya daxil olan on iki yeniyetmə futbolçu və onların məşqçisi qəfil başlayan leysan yağışlarının tələsinə düşür. Su yolları sürətlə basır və çıxış bağlanır. Nəticədə qrup yerin dərinliklərində, qaranlıq kamerada köməksiz qalır.

Uşaqları xilas etmək məqsədilə müxtəlif ölkələrdən minlərlə mütəxəssis, hərbçi və könüllü bir araya gəlir. Peşəkar dalğıclar dar və su basmış labirintlərdən keçərək onları təxliyə etmək üçün mürəkkəb plan hazırlayırlar. «Thirteen Lives» filmi beynəlxalq xilasetmə əməliyyatının hər anını xronoloji ardıcıllıqla təsvir edir.

Bioqrafik dramın rejissoru Ron Hovarddır. ABŞ, Böyük Britaniya və Kanada istehsalı olan bu ekran əsəri 2022-ci ildə nümayiş olunub. Baş rolları Viqqo Mortensen, Kolin Farrell, Coel Edqerton və Tom Beytman canlandırıblar.