Koroğlu

Uca zirvədə yerləşən alınmaz qalanı silahlı keşikçilər qoruyur. Hər gün xanın gözəl qızı Nigarın pəncərəsinə bir ox sancılır və sevgilisi mehtər Koroğludan gül gətirir. Bir vaxtlar gənc oğlan qızı qəzəbli pələngin pəncəsindən xilas etmişdi və həmin andan aralarında məhəbbət yaranmışdı.

Həsən xanın qəddarlığı nəticəsində Koroğlunun atasının gözləri çıxarılır və o dünyasını dəyişir. Atasının məzarı başında dayanan Koroğlu həm ailəsinin qisasını almağa, həm də xalqın çəkdiyi bütün əzabların əvəzini xana ödətməyə and içir.

1960-cı ildə SSRİ istehsalı olan bu tarixi filmi rejissor Hüseyn Seyidzadə çəkmişdir. Baş rolları Əfrasiyab Məmmədov, Leyla Bədirbəyli, İsmayıl Dağıstanlı və Tamilla Ağamirova canlandırıblar.