Dangal

Vaxtilə Hindistan çempionu olmuş güləşçi Mahavir Sinqh Pxoqat yoxsulluq ucbatından sevdiyi idman növü ilə vidalaşmalı olur. O, gələcəkdə Olimpiya çempionu olacaq bir oğul böyütməyi arzulayır. Lakin ailədə ard-arda dörd qız övladı dünyaya gəlir və atanın bütün ümidləri puç olur.

Bir gün qızlarının həmyaşıdları olan oğlanları döydüyünü görən ata onların potensialını fərq edir. Mahavir qızlarındakı möhkəm xarakteri və gücü idmana yönəltmək üçün onları peşəkar idmançı kimi yetişdirməyə başlayır.

2016-cı il istehsalı olan bu bioqrafik idman dramı Hindistan kinematoqrafçıları tərəfindən lentə alınıb. Filmin rejissoru Niteş Tivaridir, əsas rolları isə Aamir Xan, Fatima Sana Şeyx, Sanya Malxotra və Sakşi Tanvar canlandırıblar.