Rokki mənəm

Karyerasının əvvəlində olan aktyor Silvestr Stallone gənc boksçu Rokki haqqında ssenari qələmə alır. Bu mətnlə böyük Hollivud studiyası yaxından maraqlanır və layihə üçün yüksək qonorar təklif edir. Lakin Stallone müəllif hüquqlarını yalnız əsas rolu özü canlandıracağı təqdirdə verməyə razılaşır.

Prodüserlər az tanınan aktyorun layihəni apara biləcəyinə inanmır və mərkəzi obraza məşhur ulduzlardan birini cəlb etməyə çalışırlar. Ailəsinin ağır maddi çətinliklərinə baxmayaraq, Stallone bu şərtlərlə razılaşmır. O, lentin məhz öz qaydaları ilə çəkilməsi üçün inadkar mübarizəsini davam etdirir.

ABŞ istehsalı olan «Rokki mənəm» bioqrafik dram filmi Piter Farrelli tərəfindən çəkilib. 2026-cı ilin ekran əsərində Entoni İppolito, Annasofiya Robb, Mett Dillon və Tobi Kebbell rol alıblar.