Neerja

Təyyarə bələdçisi Nirca növbəti uçuşuna çıxır, lakin Pakistanın Kəraçi şəhərindəki eniş zamanı vəziyyət qəfil dəyişir. Sərnişin təyyarəsi terrorçular tərəfindən ələ keçirilir. Nirca təhlükə barədə pilotları dərhal xəbərdar edir və heyət üzvləri təlimata uyğun olaraq təcili şəkildə təyyarəni tərk edir.

Uçuş heyəti olmadan havaya qalxa bilməyən silahlılar təyyarədəki insanları girov saxlayırlar. Cinayətkarlar təyyarəni idarə etmək üçün pilotların dərhal geri qaytarılmasını tələb edirlər. Nirca və sərnişinlər qapalı məkanda silahlı şəxslərlə üz-üzə qalırlar.

Real hadisələrə əsaslanan «Neerja» dram filmi 2016-cı ildə Hindistanda çəkilib. Ekran əsərinin rejissoru Ram Madvanidir. Əsas obrazları Sonam Kapur, Şabana Azmi, Yoqendra Tikku və Şehar Ravciani canlandırıblar.