Kralın qılıncı

XVIII əsrin ortalarında Danimarka monarxiyası vergi gəlirlərini artırmaq üçün Yutlandiyanın bataqlıq çöllərini məskunlaşdırmağa çalışır. Əlverişsiz iqlim, zəif torpaqlar və quldurlar uzun illər bu təşəbbüslərin qarşısını alır. İyirmi beş illik xidmətdən sonra istefaya çıxan kapitan Lüdviq Kalen bu torpaqları canlandırmağı qərara alır. O, xəzinədarlıqdan pul istəmir; uğur qazanacağı təqdirdə ona zadəgan titulu, mülk və xidmətçilər verilməsi şərti ilə razılıq əldə edir.

Əlində yalnız kiçik təqaüdü olan keçmiş hərbçi tikinti və əkinçilik üçün işçilər toplamağa başlayır. Tezliklə ətraf ərazilərin amansız sahibi Frederik de Şinkel ilə onun arasında qarşıdurma yaranır. Yerli mülkədar bu torpaqları öz mülkiyyəti sayır və kənardan gələn qonağın planlarına hər vəchlə mane olmağa çalışır.

«Kralın qılıncı» tarixi dramını rejissor Nikolay Arsel çəkib. 2023-cü ildə Danimarka, Almaniya, Norveç və İsveçin birgə istehsalı ilə ərsəyə gələn bioqrafik filmdə əsas rolları Mads Mikkelsen, Amanda Kollin, Simon Bennebyerq və Melina Haqberq canlandırıb.