Gənclik Əhdi

Gənc britaniyalı qadın böyük ümidlər bəslədiyi, ilk sevgisini daddığı və gələcəyə dair xəyallar qurduğu bir dövrdə yaşayır. Lakin qəflətən başlayan Birinci Dünya müharibəsi onun bütün planlarının üstündən xətt çəkir.

Qlobal hərbi qarşıdurma onun gəncliyini, xəyallarını və əzizlərini əlindən alır. İllər keçdikdən sonra qadın keçmişə nəzər salaraq o keşməkeşli dövrdə baş verənləri, çəkdiyi acıları və itkiləri yenidən xatırlayır. Ekran işi bütöv bir nəslin taleyinə vurulan ağır zərbədən bəhs edir.

2014-cü ildə ekranlara çıxan «Testament of Youth» bioqrafik hərbi dramının rejissoru Ceyms Kentdir. Böyük Britaniya, ABŞ və Danimarkanın birgə istehsalı olan bu filmdə baş rolları Alisiya Vikander, Kit Harinqton, Teron Ecerton və Kolin Morqan canlandırıb.