Küləyin hökmdarı

Artıq dünyanın ən hündür zirvələrini, okeanları və qütbləri fəth etmiş rusiyalı səyyah Fyodor Konyuxov qarşısına yeni məqsəd qoyur. O, hava şarı ilə təkbaşına Yer kürəsinin ətrafında dövrə vurmağı planlaşdırır. Uçuşa bütöv bir komanda hazırlaşsa da, ekstremal şəraitdə yarana biləcək bütün təhlükələri qabaqcadan hesablamaq qeyri-mümkündür.

Səyyah havada qasırğaya düşür. Rabitəsiz, yuxusuz və demək olar ki, oksigensiz qalan Konyuxov sevdiklərinin yanına sağ-salamat qayıtmaq üçün yalnız irəli getməyə məcbur olur.

«Küləyin hökmdarı» adlı bioqrafik macəra dramını rejissor İqor Voloşin çəkib. 2023-cü ildə təqdim edilmiş Rusiyanın bu filmində baş rolları Fyodor Bondarçuk, Anna Mixalkova, Yevgeni Tkaçuk və Andrey Burkovski canlandırıblar.