Brabham

Avstraliyalı mühəndis və pilot Cek Brebem Avropanın avtomobil yarışlarında öz sözünü deməyə yollanır. «Brabham» sənədli filmi idmançının Ferrari, Lotus və Maserati kimi nəhənglərə meydan oxuyaraq «Formula-1» zirvələrinə necə yüksəldiyindən bəhs edir.

Eyni zamanda hekayədə onun kiçik oğlu Devid Brebemin taleyinə toxunulur. O, atasının kölgəsindən çıxmaq və ailənin zəngin yarış irsini yenidən canlandırmaq üçün mübarizə aparır. Nadir arxiv kadrları və şahidlərin xatirələri qazanılan uğurların ailə üçün hansı bədələ başa gəldiyini nümayiş etdirir.

2019-cu ildə çəkilmiş bu bioqrafik Avstraliya filminin rejissoru Akos Armontdur. Ekran əsərində Qreyson Perri, Ceki Stüart, Berni Ekklstoun və Mark Uebber kimi tanınmış simalar yer alıb.