Kral mühafizəçisi

1455-ci ildə Çoson hökmdarı Tancor doğma əmisi tərəfindən taxtdan salınaraq uzaq bir yerə sürgün edilir. Eyni zamanda Yonvol qəzasında yerləşən yoxsul bir kəndin başçısı Om Hın-do maraqlı bir xəbər eşidir. Deyilənə görə, əgər kəndə nüfuzlu bir əyan sürgün olunarsa, onun arxasınca ərzaq karvanları gələcək və sakinlər aclıqdan xilas olacaqlar.

Om öz kəndini bilərəkdən ən ucqar və acınacaqlı yer kimi qələmə verir ki, sürgün olunan şəxsi məhz oraya göndərsinlər. Kəndlilər bolluq intizarı ilə ilk qonağı sevinclə qarşılamağa hazırlaşırlar. Lakin gözlənilən varlı zadəganın əvəzinə qarşılarına heç bir sərvəti olmayan gənc bir yeniyetmə çıxır.

«Kral mühafizəçisi» adlı tarixi dram filmini Cənubi Koreya rejissoru Çan Han-cun ərsəyə gətirib. 2025-ci il istehsalı olan ekran əsərində baş rolları Yu He-cin, Pak Ci-hun, Yu Ci-te və Con Mi-do canlandırıblar.