Mister Benksi xilas etmək

Uolt Disney qızlarına Meri Poppins haqqında sevimli nağılın filmini çəkəcəyinə söz vermişdi. Bu vədin arxasınca düşən kinematoqrafçı prosesin iyirmi ildən çox vaxt aparacağını təxmin etmirdi. Kitabın müəllifi Pamela Trevers əsərinin Hollivud üslubunda korlanacağından ehtiyat edərək hüquqları verməkdən qəti şəkildə boyun qaçırırdı. Yalnız altmışıncı illərin əvvəllərində o, danışıqlar aparmaq üçün Los-Ancelesə gəlməyə razılıq verdi.

1961-ci ildə baş tutan iki həftəlik görüşlər zamanı Disney yazıçını razı salmaq üçün hər cür yola əl atdı. O, eskizləri nümayiş etdirdi, Şerman qardaşlarının bəstələdiyi musiqiləri dinlətdi və hətta qonağı Disneylendə apardı. Lakin inadkar Trevers təkliflərin heç birini bəyənmir və layihəni tamamilə pozulmaq həddinə çatdırırdı.

«Mister Benksi xilas etmək» bioqrafik dram filmi Con Li Henkok tərəfindən ekranlaşdırılıb. ABŞ, Böyük Britaniya və Avstraliyanın birgə istehsalı olan bu ekran əsəri 2013-cü ildə işıq üzü görüb. Əsas rollarda Emma Tompson, Tom Henks, Kolin Farrell və Enni Rouz Bakli çəkiliblər.