İki Papa

İohan Pavel II vəfat etdikdən sonra kardinallar yeni rəhbəri seçmək üçün Vatikanda bir araya gəlirlər. Səsvermədə islahat tərəfdarı olan Berqolyo ilə mühafizəkar mövqeyi ilə seçilən Ratsinqer önə çıxır. Nəticədə Ratsinqer qalib gələrək XVI Benedikt adı ilə katolik kilsəsinin yeni rəhbəri olur.

İllər sonra Argentinada yaşayan kardinal Berqolyo vəzifəsindən ayrılmaq üçün Vatikana ardıcıl müraciətlər göndərir. Papa XVI Benedikt istefa tələbini qəbul etmək əvəzinə onu təkbətək söhbətə çağırır. Fərqli dünyagörüşünə malik iki nüfuzlu din xadimi keçmişi, kilsənin vəziyyətini və qarşıdakı məsələləri birlikdə müzakirə etməyə başlayırlar.

«The Two Popes» filminin rejissoru Fernandu Meyrellişdir. ABŞ, Böyük Britaniya, İtaliya və Argentina istehsalı olan ekran əsərində baş rolları Entoni Hopkins və Conatan Prays canlandırıb. Əsər real tarixi hadisələrə əsaslanır.