Alkatrasdan qaçış

1960-cı ilin əvvəlində təhlükəli cinayətkar Frenk Morris San-Fransisko körfəzində yerləşən sərt rejimli Alkatras ada həbsxanasına gətirilir. Əvvəllər bir neçə cəzaçəkmə müəssisəsindən qaçmağı bacaran məhbusu elə ilk gündən rəis qəbul edir. Həbsxana rəhbərliyi ona bu divarlar arasından qurtulmağın qeyri-mümkün olduğunu açıq şəkildə bildirir.

Frenk bu xəbərdarlıqla razılaşmır və azadlığa çıxmaq fikrindən daşınmır. Yeni şəraitə və daxili qaydalara uyğunlaşdıqca o, mühafizə sistemini yararaq adadan uzaqlaşmaq üçün gizli plan hazırlamağa başlayır.

«Escape from Alcatraz» bioqrafik cinayət trillerini 1979-cu ildə rejissor Don Sigel çəkib. ABŞ istehsalı olan ekran əsərində əsas obrazı Klint Istvud canlandırıb, digər rollarda isə Larri Henkin, Cek Tibo və Fred Uord çıxış ediblər.