1987

1987-ci ilin yanvarında Seulda etiraz aksiyalarına qatıldığı üçün saxlanılan tələbə Pak Çon-çhol dindirilmə zamanı dünyasını dəyişir. Təhlükəsizlik orqanları gəncin işgəncə nəticəsində öldüyünü gizlətməyə çalışaraq cəsədi dərhal məhv etmək istəyir. Lakin dairə prokuroru təzyiqlərə boyun əymir, saxta ölüm rəyini imzalamaqdan imtina edir və rəsmi ekspertizanın keçirilməsini tələb edir.

Prokurorun bu inadkar qərarı hadisənin ört-basdır edilməsinin qarşısını alır və məsələ tezliklə mətbuata sızır. İşgəncə faktlarının üzə çıxması cəmiyyətdə geniş narazılıq doğurur və ölkə daxilində vəziyyəti dəyişdirən kütləvi etirazlar dalğasına yol açır.

Real hadisələrə əsaslanan «1987» tarixi dram filmi 2017-ci ildə Cənubi Koreyada rejissor Can Cun-hvan tərəfindən lentə alınıb. Ekran əsərində baş rolları Kim Yun-sok, Ha Con-u, Yu He-cin və Kim Te-ri canlandırıblar.