Aqora

Roma imperiyasının zəiflədiyi dövrdə qədim İsgəndəriyyə şəhəri ciddi tarixi dəyişikliklər ərəfəsindədir. Cəmiyyətin aşağı təbəqələri arasında sürətlə yayılan xristianlıq böyük bir siyasi qüvvəyə çevrilir. Bu qarışıq dövrdə şəhər rəhbərlərinin hörmət etdiyi nüfuzlu filosof, riyaziyyatçı və astronom Hipatiya öz elmi axtarışlarını davam etdirir.

Şəhərdə cərəyan edən dini və ictimai toqquşmalar dərinləşdikcə, elmlə məşğul olmaq və antik bilikləri qorumaq getdikcə çətinləşir. Güclənən siyasi gərginlik dövrün ən qabaqcıl qadın mütəfəkkirinin və onun tərəfdarlarının taleyinə birbaşa təsir göstərməyə başlayır.

«Aqora» tarixi filminin quruluşçu rejissoru Alexandro Amenabardır. ABŞ, İspaniya, Bolqarıstan və Malta kinematoqrafçılarının birgə istehsalı olan bu dram 2009-cu ildə nümayiş olunub. Baş rolları Reyçel Vays, Maks Minqella, Oskar Ayzek və Aşraf Barhom canlandırıb.