Qurucu

Rey Krok uzun illər kokteyl qarışdırıcıları sataraq dolanmağa çalışan adi bir satıcı idi. Növbəti iş səfəri zamanı o, Kaliforniyada kiçik bir yeməkxana işlədən Makdonald qardaşları ilə tanış olur. Müştərilərə yeməklərin inanılmaz sürətlə təqdim edildiyi bu sistemi görən Krok, kəşf etdiyi bu yeni formatı geniş miqyasda yaymağa qərar verir.

Krok qurduğu franşiza sistemi ilə həmin kiçik müəssisəni addım-addım nəhəng bir şəbəkəyə çevirir. Lakin biznes böyüdükcə onun böyük iddiaları menyu və qaydaları qorumaq istəyən qardaşların mövqeyi ilə toqquşur. Sahibkar bütün nəzarəti ələ almaq üçün qəti addımlar ataraq şirkəti McDonald’s adının əsl yaradıcılarının əlindən almağa çalışır.

2016-cı ildə ekranlara çıxan «The Founder» bioqrafik dramının rejissoru Con Li Henkokdur. Baş rolu Maykl Kiton canlandırıb, digər əsas obrazları isə Nik Offerman, Con Kerroll Linç və Linda Kardellini oynayıblar. Ekran əsəri ABŞ, Böyük Britaniya, İtaliya, Niderland və Yunanıstanın birgə istehsalıdır.