Minamata

Ötən əsrin yetmişinci illərində hərbi fotomüxbir Yucin Smit «Life» jurnalının tapşırığı ilə yenidən Yaponiyaya yollanır. O, sahilyanı sakit Minamata qəsəbəsinə gələrək yerli əhalinin üzləşdiyi ağır ekoloji fəlakətin şahidi olur. Baş verənlər uzun müddət geniş ictimaiyyətdən gizli qalsa da, Smit hadisələri dərindən araşdırmağa qərar verir.

Jurnalist kamerası vasitəsilə faciənin ən sarsıdıcı məqamlarını lentə alır və böyük bir reportaj hazırlayır. Bu çətin ezamiyyət Smitin öz daxili dünyasında dərin izlər buraxır və onu ciddi sınaqlarla üz-üzə qoyur. Çəkilən fotolar tezliklə bütün dünyanı dolaşaraq Yaponiyadakı fəlakəti qlobal səviyyədə gündəmə gətirir.

«Minamata» bioqrafik dram filmi rejissor Endrü Levitas tərəfindən lentə alınıb. ABŞ, Böyük Britaniya, Yaponiya və BƏƏ-nin birgə istehsalı olan ekran əsəri 2020-ci ildə işıq üzü görüb. Baş rolları Conni Depp, Akiko İvase, Ketrin Cenkins və Bill Nayi canlandırıblar.