Nouvelle Vague

1959-cu ilin Parisində kino dünyası böyük dəyişikliklər ərəfəsindədir. Cahiers du Cinema jurnalının tənqidçiləri bir-bir rejissorluğa başlayır: Şabrol artıq iki ekran əsəri ərsəyə gətirib, Fransua Trüffo isə Kann festivalında böyük rəğbətlə qarşılanır. Yalnız öz istedadına şübhə etməyən Jan-Lük Qodar hələ də böyük kinoya keçid etməyib və sadəcə qısametrajlı işlərlə kifayətlənir.

Nəhayət, vaxtın gəldiyini anlayan Qodar tammetrajlı film çəkmək qərarına gəlir. Prodüser de Boreqardan müəyyən vəsait tapan rejissor kriminal qəzet xəbəri əsasında ssenari hazırlayır. Qaçaq dələduz obrazını canlandırmaq üçün dostu Jan-Pol Belmondonu dəvət edir, onun qeyri-etibarlı sevgilisi rolunu isə bu yaxınlarda Fransaya köçmüş gənc amerikalı aktrisa Cin Siberq boynuna götürür.

ABŞ və Fransa istehsalı olan «Nouvelle Vague» filmi bioqrafik komediya və dram janrındadır. 2025-ci ildə təqdim edilən filmin rejissoru Riçard Linkleyterdir. Baş rolları Qiyom Marbek, Zoi Doyç, Obri Düllen və Adrien Ruyar ifa ediblər.