Qırmızı qaya döyüşü

Hadisələr eramızın 208-ci ilində qədim Çin torpaqlarında cərəyan edir. Ölkənin idarəsini faktiki olaraq ələ keçirmiş hiyləgər baş nazir Tsao Tsao torpaqları birləşdirmək bəhanəsilə tərəddüd içində olan imperatoru iki müstəqil krallığa qarşı yürüşə başlamağa sövq edir. Onun rəhbərliyi altındakı nəhəng ordu Şu krallığının qüvvələrini geri çəkilməyə məcbur edərək sağ qalanları Qırmızı qaya yaxınlığındakı qalada mühasirəyə alır.

Vəziyyətdən çıxış yolu axtaran müdafiəçilər kömək üçün hərbi müşavir Çjuqe Lyanı Şərqi U hökmdarının yanına göndərirlər. Elçi qarşı tərəfi hərbi dəstək verməyə razı salır və köməyə vitse-hökmdar Çjou Yünün başçılığı ilə döyüşçülər yollanır. Müttəfiqlər hücum edən tərəfin say üstünlüyünə qarşı öz cəsarətlərini və hərbi hiylələrini nümayiş etdirməli olurlar.

«Qırmızı qaya döyüşü» tarixi hərbi filmini 2008-ci ildə rejissor Con Vu ərsəyə gətirib. Layihə Çin, Yaponiya, Cənubi Koreya, Tayvan və Honkonqun birgə istehsalıdır. Ekran əsərində baş rolları Toni Lün Çu-Vay, Takeşi Kaneşiro, Çjan Fenyi və Çan Çen canlandırıblar.