Vayld

«Dorian Qreyin portreti» romanının çap olunması Oskar Vaylda geniş şöhrət qazandırır. Ədib ədəbi mühitin diqqət mərkəzində olmaqdan və qazandığı uğurun bəhrələrindən tam mənası ilə zövq alır. Lakin həyatında baş verən gözlənilməz hadisə onun günlərinin axarını tamamilə dəyişir.

O, gənc və cəsarətli lord Alfred Duqlasla tanış olur. Ətrafdakıların Bozi adlandırdığı bu gəncin zəkası və xarizması Vayldı dərhal özünə cəlb edir. Zaman keçdikcə bu yaxınlıq güclü bir asılılığa çevrilir və yazıçının həyatını tədricən məhvə doğru sürükləyir.

«Vayld» bioqrafik filminin rejissoru Brayan Qilbertdir. Böyük Britaniya, Almaniya və Yaponiya istehsalı olan bu ekran əsəri 1997-ci ildə işıq üzü görüb. Baş rolları Stiven Fray, Cud Lou, Vanessa Redqreyv və Cennifer El canlandırıblar.