Flo

Florans Artonun taleyi dəniz və yelkənli qayıq idmanı ilə sıx bağlı olub. Fransanın bioqrafik dram filmi «Flo» ənənəvi olaraq kişilərə aid edilən bu sahədə ad qazanmış əfsanəvi yaxtaçının həyat yolundan bəhs edir.

Ekran əsəri idmançının keçdiyi əsas mərhələləri, dənizdəki sınaqları və qarşılaşdığı maneələri əks etdirir. Burada okeanın çətinliklərinə sinə gərən cəsarətli bir qadının peşəkar inkişaf tarixi təsvir olunur.

Filmin rejissoru Jeraldin Danondur. Baş qəhrəmanı Stefani Kayar canlandırıb, digər rollarda isə Elison Viler, Aleksis Mixalik və Pyer Deladonşam çəkiliblər. Ekran işi 2023-cü ildə Fransada istehsal edilib.