İrlandiyalı

Qocalar evində yaşayan Frenk Şiran keçmiş günlərini xatırlayır. 1950-ci illərdə adi bir yük maşını sürücüsü kimi çalışan Frenk heç vaxt cinayət dünyasının bir hissəsi olmağı planlaşdırmırdı. Lakin nüfuzlu mafiya başçısı Rassel Bufalino ilə təsadüfi tanışlıq onun bütün taleyini fərqli bir istiqamətə yönəltdi.

Bufalino gənc sürücünü öz himayəsinə götürərək ona tədricən məsul tapşırıqlar verməyə başladı. Çox keçmədən «İrlandiyalı» ləqəbini alan Frenk mütəşəkkil cinayətkarlıq üçün qatillik edən bir şəxsə çevrildi. Bir müddət sonra isə Rassel onu məşhur həmkarlar ittifaqı lideri Cimmi Hoffa ilə tanış etdi.

ABŞ istehsalı olan «İrlandiyalı» bioqrafik dram filmi 2019-cu ildə Martin Skorseze tərəfindən çəkilib. Ekran əsərində baş rolları Robert De Niro, Al Paçino, Co Peşi və Rey Romano canlandırıb.