Unbroken

Amerikalı qaçışçı Lui Zamperini 1936-cı il Berlin Olimpiadasında çıxış edərkən final yarışında qalib gələ bilməsə də, Hitlerin diqqətini cəlb edərək onun lojasından şəxsi dəvət almışdı. İdmançı növbəti Olimpiya Oyunlarına qatılmağı planlaşdırırdı, lakin İkinci Dünya müharibəsinin başlaması onu idman meydançasını cəbhə ilə əvəzləməyə məcbur etdi.

Sakit okean üzərində baş verən təyyarə qəzasından sonra sağ qalan Zamperini və iki xidmət yoldaşı 47 gün boyunca xilasedici salda açıq dənizdə üzdülər. Bu sınağın ardınca onlar yapon hərbçiləri tərəfindən saxlanılaraq əsir düşdülər.

2014-cü ildə ekranlara çıxan «Unbroken» bioqrafik hərbi dramının rejissoru Ancelina Colidir. ABŞ və Yaponiya istehsalı olan bu filmdə əsas obrazları Cek O'Konnell, Donal Qlison, Miyavi və Qarret Hedlund canlandırıb.