Snouden

Edvard Snouden ailə ənənəsini davam etdirərək vətəninə sədaqətlə xidmət etmək arzusunda idi. O, ABŞ rəhbərliyinə tam güvənir və rəsmi antiterror proqramlarını qeyd-şərtsiz dəstəkləyirdi. Xüsusi xidmət orqanlarındakı fəaliyyətinin ilk illərində onun belə bir addım atacağını heç kəs ağlına belə gətirə bilməzdi.

İş prosesində gizli sistemin mahiyyətini anlayan Snouden dövlətin həm öz vətəndaşlarını, həm də digər ölkələrin insanlarını total şəkildə izlədiyini aşkar edir. O, gizli sənədləri mətbuata sızdıraraq həqiqətləri dünyaya çatdırmağa qərar verir. Lakin bu ifşa onun şəxsi həyatına son qoyur: sevdiyi qadından, parlaq karyerasından və onu xain elan edən doğma vətənindən birdəfəlik imtina etməli olur.

«Snouden» bioqrafik trilleri rejissor Oliver Stoun tərəfindən ekranlaşdırılıb. ABŞ, Almaniya və Fransanın birgə istehsalı olan bu film 2016-cı ildə təqdim edilib. Əsas rolları Cozef Qordon-Levitt, Şeylin Vudli, Melissa Leo və Zakari Kuinto canlandırıb.