Mən Boltam

Yamaykalı atlet Useyn Bolt ardıcıl üç Olimpiya Oyununda qələbə qazanmış yeganə sprinterdir. Pekin, London və Rio-de-Janeyro şəhərlərində keçirilən yarışlarda o, ümumilikdə səkkiz dünya rekordu müəyyənləşdirərək qaçış tarixinin ən parlaq simalarından birinə çevrilib.

«Mən Boltam» sənədli filmi idmançının keçdiyi çətin yolu yarış fraqmentləri və arxiv kadrları vasitəsilə ekrana gətirir. Ekran əsərində çempionun şəxsiyyəti və qazandığı uğurlar təkcə digər məşhur həmkarlarının fikirləri ilə deyil, həm də Boltun özünün səmimi hekayəsi ilə təqdim olunur.

Böyük Britaniya istehsalı olan bu bioqrafik filmin rejissorları Bencamin Törner və Qeyb Törnerdir. Layihədə Useyn Bolt ilə yanaşı Nugent Walker Jr., Ricky Simms və Glen Mills kimi yaxınları da yer alıb.