Joy

Hadisələr 1960-1970-ci illərdə, səhiyyə sahəsində mühüm addımların atıldığı bir dövrdə cərəyan edir. Bir tibb bacısı, alim və yenilikçi cərrah güclərini birləşdirərək tibb sahəsində görünməmiş bir sınağa başlayırlar. Həmfikir olan bu heyət süni mayalanma metodunu həyata keçirmək üçün uzunmüddətli axtarışlara start verir.

Tədqiqatçılar elmi maneələri aşaraq məqsədlərinə doğru addım-addım irəliləyirlər. Onların çətin və gərgin fəaliyyəti dünya tarixində ilk dəfə sınaq şüşəsində mayalanmış körpənin dünyaya gəlməsinə yönəlib.

Böyük Britaniya istehsalı olan «Joy» adlı tarixi dram 2024-cü ildə rejissor Ben Teylor tərəfindən lentə alınıb. Ekran əsərində əsas rolları Tomasin Makkenzi, Ceyms Norton, Riş Şah və Nikolay Şulik canlandırıblar.