Gözəl oğlan

Devid Şeffin oğlu Nik həyatda hər cür qayğı və sevgi ilə əhatə olunub. Valideynlərinin vaxtilə sakit şəkildə boşanmasına baxmayaraq, o, Los-Ancelesdə yaşayan anası ilə əlaqəsini kəsməyib və dərslərini əla oxuyub. Lakin heç bir maddi və mənəvi sıxıntısı olmayan bu gənc gözlənilmədən narkotik asılılığına düçar olur.

Bu ağır bəlanın ailəyə necə yol tapdığını anlamaq istəyən ata çıxış yolu axtarmağa başlayır. Devid xatirələrinə qayıdaraq oğlunun əvvəlki düşüncəli, mehriban uşaqlıq illərini xatırlayır və baş verənlərin səbəbini tapmağa çalışır.

«Beautiful Boy» bioqrafik dram filmi 2018-ci ildə ABŞ-da istehsal olunub. Ekran əsərinin rejissoru Feliks van Qroninqendir. Əsas rolları Stiv Karell, Timoti Şalame, Mora Tirni və Emi Rayan canlandırıblar.