Katve kraliçası

Fiona Mutezi Uqandanın ən yoxsul xarabalıqlarında, aclıq və çətinliklər içində böyüyür. Heç bir təhsili olmayan bu balaca qızın həyatı bir missionerlə tanış olduqdan sonra tamam dəyişir. Məhz onun sayəsində Fiona şahmat oyunu ilə tanış olur və daxilindəki böyük istedadı üzə çıxarır.

Lövhə arxasında addım-addım təcrübə qazanan qız dünya səviyyəli bir şahmatçı olmağı qarşısına məqsəd qoyur. «Queen of Katwe» filmi yoxsulluqdan qurtulmaq və gələcəyini dəyişmək üçün qətiyyətlə mübarizə aparan gənc oyunçunun yolunu izləyir.

Bioqrafik idman dramı janrında çəkilmiş bu ekran əsərinin rejissoru Mira Nairdir. 2016-cı ildə ABŞ-da istehsal olunan filmin baş rollarını Madina Nalvanqa, Devid Oyelovo, Lupita Nionqo və Martin Kabanza canlandırıb.