Harvardlı evsiz: Liz Mürreyin hekayəsi

Gənc Liz Mürrey narkotik asılılığından əziyyət çəkən valideynlərinin yanında, yoxsulluq içində böyümüşdü. Anasının QİÇS xəstəliyindən dünyasını dəyişməsi onun həyatını alt-üst etdi və qızı tamamilə kimsəsiz qoydu. Küçələrdə gecələməli olan yeniyetmə təkbaşına sağ qalmaq məcburiyyətində qaldı.

Evsiz qalmasına və çətin şəraitə baxmayaraq, Liz təhsil almaq fikrindən daşınmadı və gələcəyini dəyişməyi hədəflədi. İradəsi sayəsində bütün maneələri aşan gənc qız sonda dünyanın ən nüfuzlu təhsil ocaqlarından sayılan Harvard Universitetinə qəbul olmağı bacardı.

«Homeless to Harvard: The Liz Murray Story» bioqrafik dram filmi real hadisələr əsasında çəkilib. 2003-cü ildə ABŞ-da istehsal olunmuş ekran əsərinin rejissoru Piter Levindir. Əsas rolları Tora Börç, Maykl Rayli, Robert Bokstel və Makila Smit canlandırıb.