Favoritka

XVIII əsrin əvvəllərində İngiltərə Fransa ilə müharibə vəziyyətində olsa da, saray daxilində tamamilə fərqli bir həyat hökm sürür. Səhhəti zəifləyən Kraliça Annanın yerinə ölkəni faktiki olaraq onun ən yaxın dostu olan ledi Sara Malboro idarə edir. Günlərin birində saraya Saranın qohumu olan Ebriqeyl gəlir və əvvəlcə mətbəxdə adi bir işçi kimi çalışmağa başlayır.

Kraliça podaqra xəstəliyindən əziyyət çəkərkən Ebriqeyl onun ağrılarını azaldan bir vasitə tapır və beləliklə vəziyyət dəyişir. Sara bu bacarığı görüb qızı özünə xidmətçi təyin edir. İtirdiyi zadəgan mövqeyini geri qaytarmaq üçün əlinə fürsət düşdüyünü anlayan Ebiqeyl qarşısına çıxan bütün maneələri aşmağa çalışır.

«The Favourite» tarixi filmi rejissor Yorqos Lantimos tərəfindən çəkilib və ekran işi ABŞ, Böyük Britaniya ilə İrlandiyanın birgə istehsalıdır. 2018-ci ilin bu dramında baş rolları Oliviya Kolman, Reyçel Vays, Emma Stoun və Nikolas Holt canlandırıb.