Al Kapone

Gənc Al Kapone caz musiqisinin və quru qanunun hökm sürdüyü illərdə Çikaqo şəhərinə gəlir. O, fəaliyyətinə qohumu Torrionun sahib olduğu içki məkanında adi mühafizəçi kimi işləməklə başlayır. Şəhərin qaranlıq mühitinə bələd olan Kapone tez bir zamanda yerli kriminal dairələrdə nüfuz qazanır.

Qısa müddət ərzində o, şəhəri pərdəarxasından idarə edən beş əsas liderdən birinə çevrilir. Əraziləri öz aralarında nüfuz dairələrinə bölən bu dəstə mer seçkilərindən tutmuş adi saqqız satışına qədər Çikaqonun bütün sahələrinə nəzarət etməyə başlayır.

ABŞ istehsalı olan bu bioqrafik kriminal dram rejissor Riçard Uilson tərəfindən 1959-cu ildə lentə alınıb. Baş qəhrəmanı Rod Stayqer canlandırıb, digər rollarda isə Fey Speyn, Ceyms Qreqori və Martin Bolsam çəkiliblər.