Pavarotti

Sadə çörəkçi ailəsində doğulan Luçano Pavarotti zamanla dünya opera sənətinin ən yüksək zirvəsinə ucaldı. Onun bənzərsiz ifası yarım milyonluq konsert salonlarını və stadionları bir araya toplayır, qazandığı uğurlar isə iki dəfə Ginnesin Rekordlar Kitabına daxil edilirdi.

«Pavarotti» adlı sənədli film böyük tenorun şəxsi yolunu, yaradıcılıq nailiyyətlərini və bütün dünyadakı xeyriyyə fəaliyyətini əks etdirir. Əfsanəvi sənətçi insanlara dəstək olmağı və onların həyatını yaxşılığa doğru dəyişməyi özünə əsas məqsəd seçmişdi.

Ekran əsərini 2019-cu ildə rejissor Ron Hovard ABŞ, Böyük Britaniya, Fransa və İtaliya birgə istehsalı kimi lentə alıb. Layihədə maestronun arxiv görüntüləri ilə yanaşı Plasido Dominqo, Xose Karreras və Bono kimi məşhur simaların xatirələri yer alır.