Borq MakEnroy qarşı

1980-ci ilin yayında tennis dünyası Uimbldon turnirinin final qarşılaşmasını böyük maraqla gözləyirdi. Meydanda dördqat çempion, təmkinli isveçli Byorn Borq ilə çılğın xarakterli amerikalı Con MakEnroy üz-üzə gəlməli idi. Bu görüş fərqli oyun üslublarına və bir-birinə tam zidd xarakterlərə malik iki idmançının mübarizəsinə çevrildi.

İdman meydançasındakı qarşıdurma hər iki ulduz üçün həm də daxili təzyiq və emosiyalarla sınaq oldu. Tribunaların və tamaşaçıların diqqət mərkəzində olan oyunçular qələbə qazanmaq üçün fiziki və psixoloji güclərinin son həddinə qədər vuruşdular.

Bioqrafik dram janrında çəkilən «Borg McEnroe» filminin rejissoru Yanus Metsdir. Əsas rolları Sverrir Qudnason, Şaya LaBaf, Stellan Skarsqard və Tuva Novotnı canlandırıb. İsveç, Danimarka, Çexiya və Finlandiyanın birgə istehsalı olan bu ekran əsəri 2017-ci ildə təqdim edilib.