Nika

Nika Turbina hələ səkkiz yaşında ikən yazdığı kədərli və yetkin şeirlərlə bütün Sovet İttifaqında məşhurlaşmışdı. Minlərlə tamaşaçının toplaşdığı böyük zallar və bohem mühit balaca vunderkindin gündəlik həyatına çevrilmişdi. Lakin yeniyetməlik dövründə, on dörd yaşı tamam olanda onun bu bənzərsiz istedadı birdəfəlik itdi.

2001-ci ildə artıq iyirmi yeddi yaşına çatan Nika yazmağı çoxdan dayandırıb və asılılıqlarla mübarizə aparır. O, öz yolunu tapmağa çalışarkən anası ilə də münasibətləri gərginləşir. Anası qızını onun keçmiş şöhrətinə heyran olan bir cinayətkarla evləndirmək istəsə də, Nika öz seçimini sadə bir barmen olan İvandan yana edir.

«Nika» bioqrafik filminin rejissoru Vasilisa Kuzminadır. Əsas rolları Liza Yankovskaya və Anna Mixalkova canlandırıblar. Rusiya istehsalı olan bu dramatik ekran əsəri 2022-ci ildə işıq üzü görüb.