Devyatayev

1944-cü ilin yayında sovet qırıcı təyyarəçisi Mixail Devyatayev düşmən əsirliyinə düşür. Düşmən ona tərəf dəyişərək yenidən uçmağı təklif edir, imtina edəcəyi təqdirdə isə onu Uzedom adasındakı həbs düşərgəsi gözləyir. Təyyarəçi düşmən sıralarına qoşulmaqdan imtina edir və qaçış planlaşdırmağa başlayır.

Uzedom almanların qanadlı raketlər sınaqdan keçirdiyi məxfi bir adadır və oradan qurudan qaçmaq qeyri-mümkündür. Devyatayev aerodromda dayanan və göyərtəsində Üçüncü Reyxin məxfi silahı olan ən yeni düşmən bombardmançı təyyarəsini qaçırmaq qərarına gəlir. Həmin planı reallaşdırmaq üçün hərbi bazadan birbaşa havaya qalxmaq lazımdır.

2021-ci il istehsalı olan «Devyatayev» bioqrafik hərbi filminin rejissorları Timur Bekmambetov və Sergey Trofimovdur. Baş rolu Pavel Priluçnı canlandırıb, digər rollarda isə Pavel Çinaryov, Yevgeni Serzin və Darya Zlatopolskaya çəkiliblər.