Hannah Arendt

1961-ci ildə filosof və jurnalist Hannah Arendt "The New Yorker" jurnalının tapşırığı ilə Qüdsə yola düşür. O, Holokostun təşkilatçılarından biri olan Adolf Eyxmanın məhkəmə prosesini işıqlandırmalıdır. Arendt iclasları diqqətlə izləyərək faşist nifrətinin səbəblərini və tarixi cinayətlərin mahiyyətini anlamağa çalışır.

Məhkəmə materiallarını təhlil edən qələm sahibi topladığı faktları silsilə məqalələrə çevirir. Onun hazırladığı yazılar cəmiyyətdə kök salmış stereotipləri alt-üst edir. Müəllifin fərqli baxış bucağı və irəli sürdüyü qeyri-adi mülahizələr oxucular arasında ciddi narazılıq və kəskin etiraz dalğası doğurur.

2012-ci ildə təqdim olunan "Hannah Arendt" bioqrafik dram filminin rejissoru Marqarete fon Trottadır. Əsas obrazı Barbara Sukova canlandırıb, digər rollarda isə Canet Maktir, Yuliya Yents və Aksel Milberq çıxış edirlər. Ekran əsəri Almaniya, Fransa, İsrail və Lüksemburqun birgə istehsalıdır.