Van Qoq. Əbədiyyətin kandarında

Rəssam Vinsent Van Qoq Parisdə yaşadığı vaxtlarda daim yaradıcılıq axtarışında olur və dünyanı dəyişmək istəyir. Yaxın dostu Pol Qoqenin məsləhətinə qulaq asan sənətkar günəş işığı və yeni rənglər tapmaq üçün Fransanın cənubuna yollanır. O, qardaşının maddi dəstəyi sayəsində Arl adlı kiçik şəhərdə məskunlaşır.

Cənub təbiəti rəssama güclü ilham verir və o, yerli meyxanaçı qadınla ünsiyyət qurur. Məhz burada onun özünəməxsus fərdi sənət üslubu formalaşmağa başlayır. Lakin nə sənət biliciləri, nə də sadə tamaşaçılar onun əsərlərini hələ ki qəbul etmirlər.

«At Eternity's Gate» bioqrafik filminin rejissoru Culian Şnabeldir. Baş rolu Villem Dafo canlandırıb, digər obrazlarda isə Rupert Frend, Oskar Ayzek və Mads Mikkelsen çıxış ediblər. Tarixi dram 2018-ci ildə ABŞ, Böyük Britaniya, Fransa, İsveçrə və İrlandiyanın birgə istehsalı ilə çəkilib.