Adel H.-nın hekayəsi

Məşhur fransız yazıçısı Viktor Hüqonun qızı atası ilə birlikdə İngiltərəyə mühacirətə yollanır. Gənc qadın yad ölkədə ingilis zabitinə vurulur və bütün hisslərini bu sevgiyə bağlayır. Bu tanışlıq onun sonrakı taleyini tamamilə dəyişir.

Sevginin ardınca o, əvvəlcə Kanadaya, daha sonra isə Amerika Birləşmiş Ştatlarına qədər gedir. Lakin bu münasibət ona xoşbəxtlik gətirmir və hissləri cavabsız qalır. Böyük ədibin qızı Adel özünə yer tapmadığı yad mühitdə tənha qalaraq çətin günlər keçirir.

Bioqrafik tarixi dram olan «L'histoire d'Adèle H.» filmini fransız rejissoru Fransua Trüffo çəkib. 1975-ci ildə Fransada istehsal olunmuş ekran əsərində baş rolları İzabel Acani, Brüs Robinson, Silviya Marriott və Cozef Bletçli canlandırıblar.