Poddubnı

İvan Poddubnının fövqəladə gücü və əyilməz iradəsi haqqında rəvayətlər dildən-dilə gəzirdi. Təcrübəli pəhləvan hətta əlli yaşında belə gənc rəqiblərini çətinlik çəkmədən məğlub edir, ədalət və şərəf məsələlərində heç vaxt güzəştə getmirdi.

Lakin heç bir rəqibin kürəyini yerə vura bilmədiyi bu nəhəng bahadır məhəbbət qarşısında aciz qalır. «Poddubnı» filmi məğlubedilməz idmançının qəlbində baş qaldıran güclü hisslərin onun taleyinə necə təsir etdiyini göstərir.

2012-ci ildə çəkilmiş Rusiya bioqrafik idman dramının rejissoru Qleb Orlovdur. Əsas rolu Mixail Poreçenkov canlandırıb, digər obrazlarda isə Katerina Şpitsa, Aleksandr Mixaylov və Roman Madyanov çıxış edir.