Sonuncu cəllad

Albert Pierpoynt atasının və əmisinin yolunu seçərək onların peşəsini davam etdirir. Zaman keçdikcə o, bütün Böyük Britaniyanın ən tanınmış edam icraçısına çevrilir. Hər kəs tərəfindən qəbul edilməyən bu ağır işi o, yerinə yetirilməsi vacib olan bir vəzifə kimi görürdü.

İş saatları bitdikdən sonra Albert adi bir şəhər sakininə çevrilirdi. Həyat yoldaşının yanına tələsən və ya barda vaxt keçirən bu adam kənardan heç nə ilə fərqlənmirdi. Uşaqlıqdan bu peşənin arzusunda olan Albert hər zaman öz işində ən yüksək ustalığa çatmağa çalışırdı.

«Sonuncu cəllad» (The Last Hangman) tarixi bioqrafik filmi 2005-ci ildə rejissor Adrian Şerqold tərəfindən çəkilib. ABŞ və Böyük Britaniya istehsalı olan ekran əsərində baş rolları Timoti Spoll, Culyet Stivenson, Eddi Marsan və Saymon Armstronq ifa edirlər.