Məni günahkar bilin

Polis Lukkeze cinayət klanının iyirmi üzvünü saxladıqdan sonra diqqətini Ceki DiNorşioya yönəldir. Artıq otuz illik həbs cəzasını çəkən və Kök Di ləqəbi ilə tanınan bu şəxsə yoldaşlarının əleyhinə ifadə vermək müqabilində tezliklə azadlığa çıxmaq təklif olunur. Lakin DiNorşio yaxınlarını satmaqdan qəti şəkildə imtina edir.

Məhkəmə prosesində hüquqlarını heç bir vəkil olmadan şəxsən qorumaq qərarına gələn Ceki hakimiyyətlə çətin qarşıdurmaya girir. Onun atmacaları və cəsarətli çıxışları prosesi qeyri-adi vəziyyətə gətirib çıxarır, ittiham tərəfinin dəlillərini alt-üst edərək gözlənilməz hökmə yol açır.

«Find Me Guilty» filminin rejissoru Sidni Lümetdir. ABŞ və Almaniya istehsalı olan bu bioqrafik ekran əsəri 2006-cı ildə nümayiş olunub. Baş rolları Vin Dizel, Piter Dinklinc, Laynas Rouç və Ron Silver canlandırıblar.