Doktor Liza

Yelizaveta Qlinka bütün vaxtını kimsəsizlərə və çarəsiz insanlara kömək etməyə sərf edir. Həyat yoldaşı ilə evliliklərinin otuz illiyini qeyd etməyə hazırlaşdığı gün o, nəhayət vaxtını ailəsinə ayırmağı düşünür. Lakin ardı-arası kəsilməyən zənglər və başqalarının dərdi onun bayram planlarını təxirə salmağa məcbur edir.

Xeyriyyə fondunun rəhbəri bu qısa müddətdə vağzaldakı evsizlərə yemək çatdırmalı, həmçinin ölümcül xəstə olan qız uşağı üçün həkim Şevkunovdan ağrıkəsici dərman tapmalıdır. Bütün bu təlaşın fonunda isə hüquq-mühafizə orqanlarının əməkdaşları onun hər addımını gizlicə izləməyə davam edir.

«Doktor Liza» bioqrafik dramı 2020-ci ildə Rusiyada rejissor Oksana Karas tərəfindən çəkilib. Ekran əsərində baş rolları Çulpan Xamatova, Andrey Burkovski, Andjey Xıra və Konstantin Xabenski canlandırıblar.