Rozmarinin aşiqləri

Gənc Rozmari yoxsulluq içində ömür sürmək və ailə qayğıları ilə qənaət edərək yaşamaq fikrində deyil. O, ancaq gəncliyinə və zahiri gözəlliyinə güvənərək dəbdəbəli, heç bir dərdi olmayan firavan bir həyata can atır.

Təsirli kişilərlə qurduğu əlaqələr onun üçün yüksək təbəqəyə aparan pillələrə çevrilir. Lakin öz şərtlərini diktə etdiyini düşünən qadın başqalarının idarə etdiyi mürəkkəb bir oyunda sadəcə vasitə olduğunu anlaya bilmir.

1996-cı il istehsalı olan bu bioqrafik cinayət dramını almaniyalı rejissor Bernd Ayxinger ərsəyə gətirib. «A Girl Called Rosemary» filmində baş rolları Nina Hoss, Hayner Lauterbax, Matyo Karryer və Hannelore Elsner canlandırır.