Manolete

İspaniyanın əfsanəvi matadoru Manuel Rodriqes Sançes arenadakı ustalığı sayəsində böyük şöhrət qazanır. Məşhur buğa döyüşçüsünün yolu mürəkkəb xarakterə və parlaq cazibəyə malik aktrisa Lupe Sino ilə kəsişir.

Onların arasında başlayan ehtiraslı sevgi hər iki qəhrəmanın həyatını tamamilə dəyişir. «Manolete» filmi böyük təhlükələrlə dolu olan buğa döyüşləri ilə bu çətin münasibətlərin bir-birinə necə bağlandığını ekrana gətirir.

Ekran əsərinin rejissoru Menno Meyesdir. Baş rolları Edrian Broudi və Penelopa Krus canlandırıb, digər rollarda isə Santyaqo Sequra və Enn Mitçell çəkiliblər. Bioqrafik dram İspaniya, ABŞ, Böyük Britaniya, Almaniya və Fransanın birgə istehsalıdır.