Qapıçı

İkinci Dünya müharibəsinin sonlarında ingilis qızı Marqaret Frayar hərbi əsirlərin düşərgəsinə tərəvəz gətirir. Mançesterli futbol menecerinin qızı olan gənc xanımın diqqətini məhbuslar arasındakı qapıçı cəlb edir. Həmin alman əsgəri Bert Trautmann topla məharətlə davranır və bu qısa görüş böyük bir sevginin başlanğıcına çevrilir.

Azadlığa çıxdıqdan sonra Trautmann Almaniyaya dönməmək və İngiltərədə qalmaq qərarı verir. O, «Mançester Siti» klubu ilə müqavilə imzalayır, lakin tribunalardakı azarkeşlər keçmiş düşməni meydanda görmək istəmirlər. Qapıçı nifrət və etirazlara baxmayaraq istedadı sayəsində özünü sübut etmək yolunu seçir.

«The Keeper» filmi 2018-ci ildə Böyük Britaniya və Almaniya kinematoqrafçılarının birgə əməyi ilə ərsəyə gəlib. Bioqrafik dramın rejissoru Markus Rozenmüllerdir, əsas rolları isə David Kross, Freya Mavor, Con Henşou və Harri Mellinq canlandırıb.