Françesko

Varlı tacir ailəsində dünyaya gələn Françesko gənclik illərini rifah və firavanlıq içində keçirir. Lakin cəmiyyətdə hökm sürən amansızlıq, mənəvi tənəzzül və ədalətsizliklə üzləşdikdən sonra onun dünyaya baxışı kökündən dəyişir. Gənc oğlan ailəsinin təmin etdiyi rahatlıqdan və var-dövlətdən tamamilə imtina etmək qərarına gəlir.

Köhnə həyatını geridə qoyan Françesko səfil və xəstə insanlarla birgə yoxsul bir ömür sürməyə başlayır. O, sərgərdan həyat tərzini seçərək ehtiyac içində olanlara yardım etməyə və mənəvi saflıq axtarışına yönəlir. Getdikcə onun seçdiyi bu yol ətrafına eyni amalı bölüşən yeni tərəfdaşlar toplayır.

«Francesco» adlı bioqrafik tarixi dram filmi 1989-cu ildə İtaliya və Almaniya (AFR) kinematoqrafçılarının birgə istehsalı ilə lentə alınıb. Rejissor Liliana Kavaninin çəkdiyi ekran əsərində baş rolları Mikki Rurk, Helena Bonem Karter, Andrea Ferreol və Nikolaus Duç canlandırıb.