Bernard və Doris

Tütün imperiyasının varisi Doris Dük ömrü boyu böyük sərvət içində yaşasa da, şəxsi həyatında xoşbəxtlik tapa bilmir. Üç uğursuz evlilik və var-dövlətinə göz dikənlərlə bitmək bilməyən qalmaqallardan sonra o, tənha qalmağa qərar verir. Yaşlaşdığı illərdə onun qapalı dünyasına yalnız yeni irlandiyalı xidmətçi Bernard Lafferti daxil ola bilir.

Sərt xasiyyətli milyarderin bu adama olan inamı zaman keçdikcə möhkəmlənir və onların münasibəti adi xidmət çərçivəsindən kənara çıxır. Doris öz vəsiyyətnaməsində Bernarda hər il yarım milyon dollara yaxın təqaüd ayırır. Qadının vəfatından sonra bu qeyri-adi qərarı qəbul edə bilməyən digər varislər vəsiyyəti ləğv etmək üçün mübarizəyə başlayırlar.

«Bernard və Doris» bioqrafik dramını rejissor Bob Balaban lentə alıb. ABŞ və Böyük Britaniyanın birgə istehsalı olan bu 2006-cı il filmində baş rolları Syuzan Sarandon və Reyf Fayns canlandırıb. Layihədə həmçinin Monik Kernen və Piter Eşer çəkiliblər.