Bədheybət

Küçələrdə fahişəliklə dolanan və intiharın astanasında olan Eylin Uornos təsadüfən girdiyi barda gənc Selbi Uoll ilə tanış olur. Ailəsi Selbini lezbiyan meyllərindən qurtarmaq ümidi ilə Floridaya, xalasının yanına göndərib. Cəmiyyətdən təcrid olunmuş bu iki qadın arasında tezliklə səmimi bir sevgi münasibəti yaranır.

Selbi ilə birlikdə yaşamaq istəyən Eylin yenidən bədənini satmağa məcbur qalır. Lakin onun içində toplanan qəzəb və nifrət tezliklə qanlı cinayətlərə çevrilir və o, müştərilərini bir-bir öldürməyə başlayır. Mətbuat baş verən bu amansız qətllər silsiləsinin ardınca onu ilk qadın seriyalı qatil və bədheybət adlandırır.

2003-cü il istehsalı olan «Monster» bioqrafik trilleri ABŞ və Almaniya kinematoqrafçıları tərəfindən lentə alınıb. Filmin rejissoru Petti Cenkinsdir. Əsas rolları Şarliz Teron, Kristina Riççi, Brüus Dern və Li Tergesen canlandırıb.