Səma və yer

Vyetnam müharibəsinin başlaması kəndli bir gənc qadının dinc keçən günlərinə son qoyur. Şimal və Cənub qüvvələri arasında qalan qəhrəman hər iki tərəfdən amansızlıq görür: köhnə rejimin tərəfdarları ona işgəncə verir, kommunistlər isə zorakılıq edir. Sonradan Sayqonda varlı bir ailənin evində işləməyə başlayan qadın evin sahibindən uşaq dünyaya gətirir.

Amerikalı serjant Stiv Batler ilə tanışlıq onun həyatına sevgi və qarşılıqlı hörmət gətirir. Hərbçi ilə evlənən qadın onunla birlikdə okeanın o tayına köçür. Lakin Amerika torpağında da onu yeni sınaqlar və çətinliklər gözləyir.

«Səma və yer» bioqrafik hərbi dramı 30 illik bir dövrü əhatə edir. 1993-cü ildə ABŞ və Fransa tərəfindən istehsal olunmuş filmin rejissoru Oliver Stoundur. Baş rolları Le Thi Hiep, Tommi Li Cons, Coan Çen və Henq S. Nqor canlandırıblar.