Odisseya

Fransız tədqiqatçısı Jak-İv Kusto bütün ömrünü bəşəriyyət üçün sualtı kosmosa çevrilən okean dərinliklərini kəşf etməyə həsr etmişdi. Məşhur kapitan öz komandası və əfsanəvi gəmisi ilə birlikdə dənizlərin sirlərini dünyaya tanıtmaq üçün uzaq səfərlərə çıxmışdı.

«L'odyssée» filmi milyonlarla insanı ruhlandıran bu qiyamçı və xəyalpərəst novatorun şəxsi həyat yoluna işıq salır. Əsər böyük kəşflərin arxa planını, eləcə də səyyahın uzun illər boyu gizli qalmış ən vacib səyahətini və daxili dünyasını əks etdirir.

Bioqrafik macəra dramını rejissor Jerom Sall ərsəyə gətirib. Fransa və Belçikanın birgə istehsalı olan bu ekran əsəri 2016-cı ildə təqdim olunub. Baş rolları Lamber Vilson, Pyer Nine, Odri Totu və Loran Lyuka canlandırıblar.